Vöruviðskiptajöfnuður
Í desember 2018 voru fluttar út vörur fyrir 53,1 milljarð króna og inn fyrir 64,1 milljarð króna fob (68,4 milljarða króna cif). Vöruviðskiptin í desember, reiknuð á fob verðmæti, voru því óhagstæð um tæplega 11,0 milljarða króna. Í desember 2017 voru vöruviðskiptin óhagstæð um 23,6 milljarða króna á gengi hvors árs.¹ Vöruviðskiptahallinn í desember 2018 var því tæpum 12,7 milljörðum króna minni en á sama tíma árið áður. Hverfandi viðskipti voru með skip og flugvélar í desember og þau hafa því engin áhrif á vöruviðskiptahallinn í mánuðinum en í desember 2017 var vöruviðskiptahallinn án skipa og flugvéla 20,3 milljarðar króna.
Á árinu 2018 voru fluttar út vörur fyrir 602,2 milljarða króna en inn fyrir 776,6 milljarða (828,3 milljarða króna cif). Halli á vöruviðskiptum við útlönd nam því rúmum 174,4 milljörðum króna reiknað á fob verðmæti. Á sama tíma fyrir ári voru vöruviðskiptin óhagstæð um 176,5 milljarða á gengi hvors árs. Vöruviðskiptahallinn á árinu 2018 er því rúmlega 2,0 milljörðum króna lægri en í fyrra. Án skipa og flugvéla nam vöruviðskiptahallinn 159,3 milljörðum króna, samanborið við 161,7 milljarða króna á árinu 2017.
Útflutningur
Á árinu 2018 var verðmæti vöruútflutnings 82,5 milljörðum króna hærra en árið áður, eða 15,9% á gengi hvors árs.¹ Iðnaðarvörur voru 53,3% alls útflutnings og var verðmæti þeirra 14,7% hærra en verðmæti í fyrra. Hækkun á milli ára má fyrst og fremst rekja til útflutnings á áli en hlutfallsleg aukning milli ára var þó mest á liðnum aðrar iðnaðarvörur. Sjávarafurðir voru 39,8% alls vöruútflutnings og var verðmæti þeirra 21,7% hærra en árið áður. Aukning var í öllum undirliðum sjávarafurða milli ára sem meðal annars má rekja til sjómannaverkfalls í byrjun árs 2017.
Innflutningur
Á árinu 2018 var verðmæti vöruinnflutnings 80,5 milljörðum króna hærra en árið áður, eða 11,6% á gengi hvors árs.¹ Mestu munaði um innflutning á eldsneyti og unnum hrá- og rekstrarvörum.
| Verðmæti útflutnings og innflutnings í janúar til desember 2017 og 2018 | |||||
| Millj. kr. á gengi hvors árs | Breytingar frá fyrra | ||||
| Desember | Janúar-desember | ári á gengi hvors árs, % | |||
| 2017 | 2018 | 2017 | 2018 | jan-des | |
| Útflutningur alls fob | 43.211,7 | 53.101,4 | 519.612,4 | 602.152,7 | 15,9 |
| Sjávarafurðir | 13.771,4 | 21.304,1 | 197.025,0 | 239.740,4 | 21,7 |
| Landbúnaðarvörur | 2.229,1 | 2.145,6 | 20.239,3 | 20.567,6 | 1,6 |
| Iðnaðarvörur | 24.873,7 | 27.608,2 | 279.922,2 | 321.079,2 | 14,7 |
| Aðrar vörur | 2.337,5 | 2.043,3 | 22.426,0 | 20.765,5 | -7,4 |
| Innflutningur alls fob | 66.853,4 | 64.068,7 | 696.072,6 | 776.573,4 | 11,6 |
| Matvörur og drykkjarvörur | 4.125,1 | 4.466,1 | 56.753,3 | 63.051,5 | 11,1 |
| Hrávörur og rekstrarvörur, ót.a. | 20.080,7 | 21.442,5 | 186.832,5 | 221.862,5 | 18,7 |
| Eldsneyti og smurolíur | 6.637,9 | 7.711,6 | 79.911,9 | 115.718,8 | 44,8 |
| Fjárfest.vörur (þó ekki flutn.tæki) | 13.068,1 | 14.251,3 | 148.858,9 | 160.163,8 | 7,6 |
| Flutningatæki | 15.611,2 | 7.993,2 | 131.134,5 | 115.712,3 | -11,8 |
| Neysluvörur ót.a. | 7.233,8 | 8.198,0 | 92.219,3 | 97.049,2 | 5,2 |
| Vörur ót.a (t.d. endursendar vörur) | 96,7 | 6,0 | 362,1 | 3.015,3 | 732,6 |
| Vöruviðskiptajöfnuður | -23.641,7 | -10.967,4 | -176.460,2 | -174.420,7 | -1,2 |
1Hagstofa Íslands birtir ekki lengur tölur um vöruviðskipti á föstu gengi. Á vef Hagstofu Íslands er að finna töflu um hlutfall einstakra gjaldmiðla í vöruviðskiptum. Mánaðarlegar tölur um vöruviðskipti líðandi árs eru endurskoðaðar allt árið og því geta tölur fyrri mánaða árs breyst með útgáfu nýrra mánaðartalna. Endanlegar tölur fyrir hvert ár eru gefnar út á vormánuðum næsta ár á eftir.