Vöruviðskiptajöfnuður
Í febrúar 2019 voru fluttar út vörur fyrir 44,7 milljarða króna og inn fyrir 59,8 milljarða króna fob (63,9 milljarða króna cif). Vöruviðskiptin í febrúar, reiknuð á fob verðmæti, voru því óhagstæð um 15,1 milljarð króna. Í febrúar 2018 voru vöruviðskiptin óhagstæð um 14 milljarða króna á gengi hvors árs.¹ Vöruviðskiptahallinn í febrúar 2019 var því 1,1 milljarði króna lægri en á sama tíma árið áður. Án skipa og flugvéla nam vöruviðskiptahallinn í mánuðinum 14,9 milljörðum króna samanborið við 7,4 milljarða króna í febrúar 2018.
Á tímabilinu janúar til febrúar 2019 voru fluttar út vörur fyrir 104,2 milljarða króna en inn fyrir 112,1 milljarð (120,1 milljarð króna cif). Því var halli á vöruskiptum við útlönd sem nam 8,0 milljörðum króna reiknað á fob verðmæti. Á sama tíma fyrir ári voru vöruviðskiptin óhagstæð um 16,7 milljarða á gengi hvors árs. Vöruviðskiptahallinn janúar til febrúar er því 8,8 milljörðum lægri en á sama tíma fyrir ári síðan. Án skipa og flugvéla nam vöruviðskiptahallinn hins vegar 10,1 milljarði króna bæði árin.
Útflutningur
Á fyrstu tveimur mánuðum ársins 2019 var verðmæti vöruútflutnings 9,7 milljörðum króna hærra en á sama tímabili árið áður, eða 10,3% á gengi hvors árs1. Iðnaðarvörur voru 50,7% alls útflutnings og var verðmæti þeirra 5,1% hærra en á sama tíma árið áður. Sjávarafurðir voru 39,7% alls vöruútflutnings og var verðmæti þeirra 12,3% hærra en á sama tíma árið áður.
Innflutningur
Á fyrstu tveimur mánuðum ársins 2019 var verðmæti vöruinnflutnings 1,0 milljarði króna hærra en á sama tímabili árið áður, eða 0,9% á gengi hvors árs¹. Innflutningur jókst á hrávörum og rekstrarvörum, fjárfestingavörum (þó ekki flutningatækjum) og neysluvörum. Á móti kemur minni innflutningur á flutningatækjum og eldsneyti og smurolíum.
| Verðmæti útflutnings og innflutnings í janúar til febrúar 2018 og 2019 | |||||
| Millj. kr. á gengi hvors árs | Breytingar frá fyrra ári á gengi hvors árs, % % jan-feb | ||||
| Janúar | Janúar-febrúar | ||||
| 2018 | 2019 | 2018 | 2019 | ||
| Útflutningur alls fob | 46.070,0 | 44.723,9 | 94.436,0 | 104.153,6 | 10,3 |
| Sjávarafurðir | 18.927,7 | 19.045,1 | 36.818,8 | 41.356,2 | 12,3 |
| Landbúnaðarvörur | 2.248,5 | 2.232,5 | 4.504,6 | 5.286,5 | 17,4 |
| Iðnaðarvörur | 23.334,6 | 22.430,7 | 50.213,7 | 52.759,8 | 5,1 |
| Aðrar vörur | 1.559,2 | 1.015,6 | 2.898,9 | 4.751,0 | 63,9 |
| Innflutningur alls fob | 60.030,0 | 59.783,8 | 111.176,5 | 112.139,4 | 0,9 |
| Matvörur og drykkjarvörur | 4.701,1 | 4.680,5 | 8.733,7 | 10.772,8 | 23,3 |
| Hrávörur og rekstrarvörur, ót.a. | 17.874,2 | 20.440,9 | 29.882,4 | 34.294,5 | 14,8 |
| Eldsneyti og smurolíur | 6.261,8 | 4.995,1 | 14.153,8 | 10.711,4 | -24,3 |
| Fjárfest.vörur (þó ekki flutn.tæki) | 11.640,8 | 15.646,3 | 25.962,0 | 30.090,4 | 15,9 |
| Flutningatæki | 12.305,2 | 5.673,8 | 18.349,8 | 10.297,0 | -43,9 |
| Neysluvörur ót.a. | 7.063,1 | 8.333,1 | 13.852,0 | 15.912,6 | 14,9 |
| Vörur ót.a (t.d. endursendar vörur) | 183,8 | 14,1 | 242,7 | 60,7 | -75,0 |
| Vöruviðskiptajöfnuður | -13.959,9 | -15.059,9 | -16.740,4 | -7.985,8 | -52,3 |
1) Hagstofa Íslands birtir ekki lengur tölur um vöruviðskipti á föstu gengi. Á vef Hagstofu Íslands er að finna töflu um hlutfall einstakra gjaldmiðla í vöruviðskiptum.
Mánaðarlegar tölur um vöruviðskipti líðandi árs eru endurskoðaðar allt árið og því geta tölur fyrri mánaða árs breyst með útgáfu nýrra mánaðartalna. Endanlegar tölur fyrir hvert ár eru gefnar út á vormánuðum næsta ár á eftir.