Vöruviðskiptajöfnuður
Í marsmánuði voru fluttar út vörur fyrir 44,2 milljarða króna og inn fyrir 65,2 milljarða króna fob (68,8 milljarða króna cif). Vöruviðskiptin í mars, reiknuð á fob verðmæti, voru því óhagstæð um 21 milljarð króna. Í mars 2015 voru vöruviðskiptin hagstæð um 8,2 milljarða króna á gengi hvors árs¹.
Á fyrsta ársfjórðungi ársins 2016 voru fluttar út vörur fyrir tæpa 132,6 milljarða króna en inn fyrir rúma 157,4 milljarða króna fob (167,3 milljarða króna cif). Halli var því á vöruviðskiptum við útlönd sem nam 24,9 milljörðum króna, reiknað á fob verðmæti. Á sama tíma árið áður voru vöruviðskiptin hagstæð um 5,6 milljarða á gengi hvors árs¹. Vöruviðskiptajöfnuðurinn var því 30,5 milljörðum króna lakari en á sama tíma árið áður.
Útflutningur
Á fyrsta ársfjórðungi ársins 2016 var verðmæti vöruútflutnings 32,1 milljarði eða 19,5% lægra, á gengi hvors árs1, en á sama tíma árið áður. Iðnaðarvörur voru 49,9% alls útflutnings og var verðmæti þeirra 28,4% lægra en á sama tíma árið áður, aðallega vegna lægra álverðs. Sjávarafurðir voru 43,7% alls vöruútflutnings og var verðmæti þeirra 11,3% lægra en á sama tíma árið áður.
Innflutningur
Á fyrsta ársfjórðungi ársins 2016 var verðmæti vöruinnflutnings 1,6 milljörðum eða 1,0% lægra, á gengi hvors árs¹, en á sama tímabili árið áður. Aðallega dróst innflutningur á hrá- og rekstrarvörum saman ásamt eldsneyti en á móti jókst innflutningur á fjárfestingavörum og flutningatækjum.
Verðmæti útflutnings og innflutnings í janúar-mars 2015 og 2016 | |||||
Millj. kr. á gengi hvors árs | Breytingar frá fyrra | ||||
Mars | Jan.-mars | ári á gengi hvors árs, | |||
2015 | 2016 | 2015 | 2016 | % jan.-mars | |
Útflutningur alls fob | 63.353,4 | 44.201,8 | 164.633,3 | 132.555,2 | -19,5 |
Sjávarafurðir | 27.411,5 | 19.360,0 | 65.392,5 | 57.988,3 | -11,3 |
Landbúnaðarvörur | 1.253,2 | 1.210,9 | 3.901,0 | 4.135,0 | 6,0 |
Iðnaðarvörur | 33.516,0 | 22.730,9 | 92.342,0 | 66.095,4 | -28,4 |
Aðrar vörur | 1.172,7 | 900,1 | 2.997,7 | 4.336,5 | 44,7 |
Innflutningur alls fob | 55.177,9 | 65.225,8 | 159.028,1 | 157.446,7 | -1,0 |
Matvörur og drykkjarvörur | 6.181,6 | 5.084,4 | 15.681,2 | 13.231,8 | -15,6 |
Hrávörur og rekstrarvörur, ót.a. | 17.991,6 | 15.139,8 | 47.806,5 | 39.672,2 | -17,0 |
Eldsneyti og smurolíur | 6.104,6 | 4.131,5 | 18.029,5 | 11.781,3 | -34,7 |
Fjárfest.vörur (þó ekki flutn.tæki) | 11.022,9 | 13.119,1 | 30.314,5 | 36.758,2 | 21,3 |
Flutningatæki | 6.714,2 | 19.663,6 | 28.161,6 | 33.676,9 | 19,6 |
Neysluvörur ót.a. | 7.108,6 | 8.060,5 | 18.867,2 | 22.199,6 | 17,7 |
Vörur ót.a (t.d. endursendar vörur) | 54,3 | 26,9 | 167,7 | 126,8 | -24,4 |
Vöruskiptajöfnuður | 8.175,5 | -21.024,0 | 5.605,1 | -24.891,5 | . |
1Hagstofa Íslands birtir ekki lengur tölur um vöruskipti á föstu gengi. Á vef Hagstofu Íslands er að finna töflu um hlutfall einstakra gjaldmiðla í vöruskiptum.
Mánaðarlegar tölur um utanríkisverslun líðandi árs eru endurskoðaðar allt árið og því geta tölur fyrri mánaða árs breyst með útgáfu nýrra mánaðartalna. Endanlegar tölur fyrir hvert ár eru gefnar út á vormánuðum næsta ár á eftir.