Vöruskiptajöfnuður
Í nóvembermánuði voru fluttar út vörur fyrir 51,5 milljarða króna og inn fyrir tæpan 52,1 milljarð króna fob (55,6 milljarða króna cif). Vöruskiptin í nóvember, reiknuð á fob verðmæti, voru því óhagstæð um 600 milljónir króna. Í nóvember 2014 voru vöruskiptin hagstæð um 4,4 milljarða króna á gengi hvors árs¹.
Fyrstu ellefu mánuði ársins 2015 voru fluttar út vörur fyrir 578,4 milljarða króna en inn fyrir 599,8 milljarða króna fob (640,1 milljarð króna cif). Halli var því á vöruskiptum við útlönd sem nam 21,3 milljörðum króna, reiknað á fob verðmæti. Á sama tíma árið áður voru vöruskiptin hagstæð um 503 milljónir á gengi hvors árs¹. Vöruskiptajöfnuðurinn var því 21,8 milljörðum króna lakari en á sama tíma árið áður.
Útflutningur
Fyrstu ellefu mánuði ársins 2015 var verðmæti vöruútflutnings 37,0 milljörðum eða 6,8% hærra, á gengi hvors árs¹, en á sama tíma árið áður. Iðnaðarvörur voru 53,1% alls útflutnings og var verðmæti þeirra 8,7% hærra en á sama tíma árið áður, aðallega vegna útflutnings á áli. Sjávarafurðir voru 42,4% alls vöruútflutnings og var verðmæti þeirra 8,9% hærra en á sama tíma árið áður, aðallega vegna útflutnings á fiskimjöli. Á móti dróst útflutningur á heilfrystum fiski saman.
Innflutningur
Fyrstu ellefu mánuði ársins 2015 var verðmæti vöruinnflutnings 58,8 milljörðum eða 10,9% hærra, á gengi hvors árs¹, en á sama tímabili árið áður. Aðallega jókst innflutningur á hrávöru og rekstrarvöru ásamt flugvélum en á móti dróst innflutningur á eldsneyti saman.
| Verðmæti útflutnings og innflutnings í janúar-nóvember 2014 og 2015 | |||||
| Millj. kr. á gengi hvors árs | Breytingar frá fyrra | ||||
| Nóvember | Jan.-nóvember | ári á gengi hvors árs, | |||
| 2014 | 2015 | 2014 | 2015 | % jan.-nóvember | |
| Útflutningur alls fob | 50.428,2 | 51.488,8 | 541.496,8 | 578.448,2 | 6,8 |
| Sjávarafurðir | 19.933,0 | 23.769,0 | 225.095,8 | 245.108,7 | 8,9 |
| Landbúnaðarvörur | 1.551,0 | 1.483,2 | 10.479,6 | 12.417,3 | 18,5 |
| Iðnaðarvörur | 27.907,7 | 25.298,8 | 282.340,5 | 306.909,6 | 8,7 |
| Aðrar vörur | 1.036,5 | 937,8 | 23.580,9 | 14.012,6 | -40,6 |
| Innflutningur alls fob | 46.032,6 | 52.096,7 | 540.994,3 | 599.773,1 | 10,9 |
| Matvörur og drykkjarvörur | 4.649,1 | 5.144,5 | 50.216,8 | 60.721,3 | 20,9 |
| Hrávörur og rekstrarvörur, ót.a. | 12.308,9 | 13.444,6 | 146.791,4 | 172.442,1 | 17,5 |
| Eldsneyti og smurolíur | 7.871,5 | 5.835,1 | 98.258,7 | 78.895,2 | -19,7 |
| Fjárfest.vörur (þó ekki flutn.tæki) | 10.223,3 | 13.254,7 | 113.190,5 | 125.342,9 | 10,7 |
| Flutningatæki | 4.201,3 | 6.485,9 | 63.215,9 | 86.910,7 | 37,5 |
| Neysluvörur ót.a. | 6.694,7 | 7.879,0 | 67.298,6 | 74.254,5 | 10,3 |
| Vörur ót.a (t.d. endursendar vörur) | 83,7 | 52,9 | 2.022,4 | 1.206,4 | -40,4 |
| Vöruskiptajöfnuður | 4.395,6 | -617,9 | 502,6 | -21.325,0 | . |
¹Hagstofa Íslands birtir ekki lengur tölur um vöruskipti á föstu gengi. Á vef Hagstofu Íslands er að finna töflu um hlutfall einstakra gjaldmiðla í vöruskiptum.
Mánaðarlegar tölur um utanríkisverslun líðandi árs eru endurskoðaðar allt árið og því geta tölur fyrri mánaða árs breyst með útgáfu nýrra mánaðartalna. Endanlegar tölur fyrir hvert ár eru gefnar út á vormánuðum næsta ár á eftir.