Gefin hafa verið út Hagtíðindi með niðurstöðum úr rannsókn á útgjöldum heimilanna árin 2000-2002. Niðurstöður eru sundurliðaðar eftir búsetu og heimilisgerð auk þess sem heildarniðurstöður eru bornar saman við neyslukönnunina 1995. Þá er í heftinu að finna ýmsar upplýsingar um heimilin í landinu, svo sem um húsnæði, tækjaeign, áskriftir o.fl.
Í úrtaki voru um 3.500 heimili, 1.907 þeirra tóku þátt í rannsókninnni og var svörun því um 55%.
Samkvæmt niðurstöðum rannsóknarinnar eru meðalneysluútgjöld heimilis á ári um 3,5 milljónir króna eða nálægt 300 þúsund krónum á mánuði. Meðalheimilið telur 2,68 einstaklinga samanborið við 2,82 einstaklinga í neyslukönnun árið 1995.
Rannsókn á útgjöldum heimilanna 2000-2002 - útgáfur