Samræmd vísitala neysluverðs í EES-ríkjum var 116,5 stig (1996=100) í desember sl. og hækkaði um 0,3% frá nóvember. Á sama tíma var vísitalan fyrir Ísland 130,0 stig, hækkaði einnig um 0,3% frá fyrra mánuði.
     Frá desember 2003 til jafnlengdar árið 2004 var verðbólgan, mæld með samræmdri vísitölu neysluverðs, 2,2% að meðaltali í ríkjum EES, 2,4% á evrusvæðinu og 2,9% á Íslandi.
Mesta verðbólga á Evrópska efnahagssvæðinu á þessu tólf mánaða tímabili var 7,4% í Lettlandi og 5,8% í Slóvakíu. Minnst var verðbólgan í Finnlandi, 0,1% og í Svíþjóð, 0,9%.
     Meðalvísitala ársins 2004 fyrir EES-ríkin var 115,3 stig, 2,0% hærri en meðaltalið árið 2003. Sambærilegar tölur voru 2,0% árið 2003 og 2,1% árið 2002.
     Meðaltal samræmdu vísitölunnar fyrir Ísland árið 2004 var 128,1 stig, 2,3% hærra en árið 2003. Sambærilegar tölur voru 1,4% árið 2003 en 5,3% árið 2002.