Vísitala neysluverðs miðuð við verðlag í apríl 2018 er 452,2 stig (maí 1988=100) og hækkar um 0,04% frá fyrra mánuði. Vísitala neysluverðs án húsnæðis er 388,4 stig og hækkar um 0,08% frá mars 2018.
Kostnaður vegna búsetu í eigin húsnæði (reiknuð húsaleiga) lækkar um 0,2% (áhrif á vísitölu -0,04%) og bensín og olíur hækkuðu um 1,6% (0,05%).
Síðastliðna tólf mánuði hefur vísitala neysluverðs hækkað um 2,3% en vísitalan án húsnæðis hefur lækkað um 0,2%.
Vísitala neysluverðs samkvæmt útreikningi í apríl 2018, sem er 452,2 stig, gildir til verðtryggingar í júní 2018. Vísitala fyrir eldri fjárskuldbindingar, sem breytast eftir lánskjaravísitölu, er 8.929 stig fyrir júní 2018.
Vísitala neysluverðs í apríl er reiknuð á nýjum grunni, mars 2018, og byggist hann á niðurstöðum úr rannsókn Hagstofu Íslands á útgjöldum heimilanna 2013–2016 auk annarra heimilda. Til viðbótar útgjaldarannsókn hefur Hagstofan notast við ýmsar nýrri heimildir við vinnslu grunnsins, svo sem um nýskráningar bifreiða. Við grunnskipti er einnig innbyrðis vægi dagvöruverslana endurskoðað en áhrif af því voru hverfandi að þessu sinni. Að öðru leyti veldur endurnýjun grunnsins sem slík ekki breytingum á vísitölunni milli mars og apríl. Hlutfallslega skiptingu vísitölunnar á gömlum og nýjum grunni í mars 2018 má finna í meðfylgjandi minnisblaði.
| Breytingar á vísitölu neysluverðs 2017-2018 | ||||||
| Maí 1988 = 100 | Umreiknað til árshækkunar miðað við hækkun vísitölunnar | |||||
| Breytingar í hverjum mánuði, % | ||||||
| Síðasta mánuð, % | Síðustu 3 mánuði, % | Síðustu 6 mánuði, % | Síðustu 12 mánuði, % | |||
| Vísitala | ||||||
| 2017 | ||||||
| Apríl | 442,1 | 0,5 | 6,2 | 5,2 | 1,6 | 1,9 |
| Maí | 443,0 | 0,2 | 2,5 | 3,1 | 2,1 | 1,7 |
| Júní | 443,0 | 0,0 | 0,0 | 2,8 | 1,8 | 1,5 |
| Júlí | 442,9 | 0,0 | -0,3 | 0,7 | 3,0 | 1,8 |
| Ágúst | 444,0 | 0,2 | 3,0 | 0,9 | 2,0 | 1,7 |
| September | 444,6 | 0,1 | 1,6 | 1,5 | 2,1 | 1,4 |
| Október | 446,7 | 0,5 | 5,8 | 3,5 | 2,1 | 1,9 |
| Nóvember | 446,0 | -0,2 | -1,9 | 1,8 | 1,4 | 1,7 |
| Desember | 447,2 | 0,3 | 3,3 | 2,4 | 1,9 | 1,9 |
| 2018 | ||||||
| Janúar | 446,8 | -0,1 | -1,1 | 0,1 | 1,8 | 2,4 |
| Febrúar | 449,5 | 0,6 | 7,5 | 3,2 | 2,5 | 2,3 |
| Mars | 452,0 | 0,6 | 6,9 | 4,4 | 3,4 | 2,8 |
| Apríl | 452,2 | 0,0 | 0,5 | 4,9 | 2,5 | 2,3 |