Vísitala neysluverðs, miðuð við verðlag í maí 2025, er 651,0 stig (maí 1988=100) og hækkar um 0,20% frá fyrri mánuði. Vísitala neysluverðs án húsnæðis er 522,1 stig og hækkar um 0,02% frá apríl 2025.
Verð á mat og drykkjarvörum hækkaði um 0,69% (áhrif á vísitöluna 0,11%) og kostnaður vegna búsetu í eigin húsnæði (reiknuð húsaleiga) hækkaði um 0,73% (0,15%). Flugfargjöld til útlanda lækkuðu um 7,30% (-0,17%).
Síðastliðna tólf mánuði hefur vísitala neysluverðs hækkað um 3,8% og vísitala neysluverðs án húsnæðis um 2,7%.
Vísitala neysluverðs samkvæmt útreikningi í maí 2025, sem er 651,0 stig, gildir til verðtryggingar í júlí 2025.