Vísitala neysluverðs miðuð við verðlag í október 2008 er 322,3 stig (maí 1988=100) og hækkaði um 2,16% frá fyrra mánuði. Vísitala neysluverðs án húsnæðis er 292,9 stig og hækkaði hún um 3,02% frá september.
Verð á mat og drykkjarvöru hækkaði um 4,3% (vísitöluáhrif 0,55%) og verð á fötum og skóm um 4,9% (0,22%). Verð á húsgögnum, heimilistækjum, heimilisbúnaði o.fl. hækkaði um 7,1% (0,46%), á varahlutum og hjólbörðum um 19,6% (0,20%), á flugfargjöldum til útlanda um 18,7% (0,20%) og verð á sjónvörpum, dvd-spilurum, tölvum o.fl. hækkaði um 10,6% (0,15%).
Verð á bensíni og díselolíu lækkaði um 3,4% (-0,17%).
Kostnaður vegna eigin húsnæðis lækkaði um 1,3% (-0,21%). Þar af voru áhrif af lækkun markaðsverðs -0,24% en áhrif af hækkun raunvaxta voru 0,03%.
Hlutur húsnæðisviðskipta þar sem fasteignir og lausafé eru notuð sem greiðsla hefur vaxið verulega frá maí á þessu ári. Við núvirðingu kaupsamninga í viðskiptum af þessu tagi hefur verið ákveðið að hækka ávöxtunarkröfuna sem notuð er við útreikning á staðgreiðsluverðmæti fasteigna. Áhrifin af þessari leiðréttingu eru 0,22% til lækkunar á vísitölu neysluverðs.
Nýskráningar bifreiða hafa nánast stöðvast af efnahagsástæðum. Í ljósi þessa er ekki tekið tillit til breytinga á listaverði bíla frá september, en það hefði hækkað bifreiðalið vísitölunnar um 4,1% (áhrif 0,30%).
Síðastliðna tólf mánuði hefur vísitala neysluverðs hækkað um 15,9% en vísitala neysluverðs án húsnæðis um 17,8%. Undanfarna þrjá mánuði hefur vísitala neysluverðs hækkað um 4,0% sem jafngildir 16,8% verðbólgu á ári (22,7% fyrir vísitöluna án húsnæðis).
Vísitala neysluverðs samkvæmt útreikningi í október 2008, sem er 322,3stig, gildir til verðtryggingar í desember 2008. Vísitala fyrir eldri fjárskuldbindingar, sem breytast eftir lánskjaravísitölu, er 6.364 stig fyrir desember 2008.
Breytingar vísitölu neysluverðs 2007–2008 | ||||||
Maí 1988 = 100 | Umreiknað til árshækkunar miðað við hækkun vísitölunnar | |||||
Breytingar í hverjum mánuði, % | ||||||
Síðasta mánuð, % | Síðustu 3 mánuði, % | Síðustu 6 mánuði, % | Síðustu 12 mánuði, % | |||
Vísitala | ||||||
2007 | ||||||
Október | 278,1 | 0,5 | 6,2 | 7,7 | 7,1 | 4,5 |
Nóvember | 279,9 | 0,6 | 8,0 | 10,3 | 6,7 | 5,2 |
Desember | 281,8 | 0,7 | 8,5 | 7,6 | 7,0 | 5,9 |
2008 | ||||||
Janúar | 282,3 | 0,2 | 2,2 | 6,2 | 6,9 | 5,8 |
Febrúar | 286,2 | 1,4 | 17,9 | 9,3 | 9,8 | 6,8 |
Mars | 290,4 | 1,5 | 19,1 | 12,8 | 10,1 | 8,7 |
Apríl | 300,3 | 3,4 | 49,5 | 28,0 | 16,6 | 11,8 |
Maí | 304,4 | 1,4 | 17,7 | 28,0 | 18,3 | 12,3 |
Júní | 307,1 | 0,9 | 11,2 | 25,1 | 18,8 | 12,7 |
Júlí | 310,0 | 0,9 | 11,9 | 13,6 | 20,6 | 13,6 |
Ágúst | 312,8 | 0,9 | 11,4 | 11,5 | 19,5 | 14,5 |
September | 315,5 | 0,9 | 10,9 | 11,4 | 18,0 | 14,0 |
Október | 322,3 | 2,2 | 29,2 | 16,8 | 15,2 | 15,9 |
Vísitala neysluverðs eftir eðli og uppruna 2008 | ||||
Undirvísitölur mars 1997=100 | Breyting síðustu 12 mánuði | |||
Áhrif á vísit. | ||||
September | Október | % | ||
Vísitala neysluverðs | 176,8 | 180,6 | 15,9 | 15,9 |
Þar af: | ||||
Innlendar vörur | 152,3 | 157,6 | 18,5 | 2,4 |
Búvörur og grænmeti | 148,5 | 152,5 | 17,4 | 1,0 |
Innlendar vörur án búvöru og grænmetis | 154,5 | 160,7 | 19,2 | 1,4 |
Innfluttar vörur alls | 144,5 | 150,0 | 23,2 | 7,9 |
Innfluttar vörur án áfengis og tóbaks | 140,9 | 146,5 | 24,6 | 7,6 |
Kjarnavísitala 1 (VNV án búvöru, grænm., | ||||
ávaxta og bensíns) | 177,0 | 181,2 | 14,9 | 13,3 |
Kjarnavísitala 2 (kjarnavísitala 1 án opinberrar þjónustu) | 179,0 | 183,4 | 15,6 | 12,9 |
Kjarnavísitala 3 (kjarnavísitala 2 án vaxtaáhrifa) | 176,4 | 180,8 | 14,1 | 11,6 |
Dagvara | 151,6 | 158,7 | 25,2 | 3,6 |
Talnaefni