Vísitala neysluverðs, miðuð við verðlag í september 2019, er 470,5 stig (maí 1988=100) og hækkar um 0,09% frá fyrri mánuði. Vísitala neysluverðs án húsnæðis er 402,0 stig og hækkar um 0,10% frá ágúst 2019.
Verð á fatnaði og skóm hækkaði um 4,2% (áhrif á vísitöluna 0,18%). Flugfargjöld til útlanda lækkuðu um 8,6% (-0,13%).
Síðastliðna tólf mánuði hefur vísitala neysluverðs hækkað um 3,0% en vísitalan án húsnæðis hefur hækkað um 2,9%.
Vísitala neysluverðs samkvæmt útreikningi í september 2019, sem er 470,5 stig, gildir til verðtryggingar í nóvember 2019. Vísitala fyrir eldri fjárskuldbindingar, sem breytast eftir lánskjaravísitölu, er 9.290 stig fyrir nóvember 2019.
| Breytingar á vísitölu neysluverðs 2018-2019 | ||||||
| Maí 1988 = 100 | Umreiknað til árshækkunar miðað við hækkun vísitölunnar | |||||
| Vísitala | Breytingar í hverjum mánuði, % | |||||
| Síðasta mánuð, % | Síðustu 3 mánuði, % | Síðustu 6 mánuði, % | Síðustu12 mánuði, % | |||
| 2018 | ||||||
| September | 456,8 | 0,2 | 2,9 | 1,9 | 2,1 | 2,7 |
| Október | 459,4 | 0,6 | 7,0 | 4,1 | 3,2 | 2,8 |
| Nóvember | 460,5 | 0,2 | 2,9 | 4,3 | 3,9 | 3,3 |
| Desember | 463,9 | 0,7 | 9,2 | 6,4 | 4,1 | 3,7 |
| 2019 | ||||||
| Janúar | 462,0 | -0,4 | -4,8 | 2,3 | 3,2 | 3,4 |
| Febrúar | 462,9 | 0,2 | 2,4 | 2,1 | 3,2 | 3,0 |
| Mars | 465,3 | 0,5 | 6,4 | 1,2 | 3,8 | 2,9 |
| Apríl | 467,0 | 0,4 | 4,5 | 4,4 | 3,3 | 3,3 |
| Maí | 468,0 | 0,2 | 2,6 | 4,5 | 3,3 | 3,6 |
| Júní | 469,8 | 0,4 | 4,7 | 3,9 | 2,6 | 3,3 |
| Júlí | 468,8 | -0,2 | -2,5 | 1,6 | 3,0 | 3,1 |
| Ágúst | 470,1 | 0,3 | 3,4 | 1,8 | 3,1 | 3,2 |
| September | 470,5 | 0,1 | 1,0 | 0,6 | 2,2 | 3,0 |
Vegna breytinga sem hafa orðið á lánakostum við kaup á húsnæði undirbýr Hagstofa Íslands nú endurskoðun á vogum sem notaðar eru við útreikning á reiknaðri leigu fyrir búsetu í eigin húsnæði. Nýja samsetningin verður notuð við næsta útreikning á vísitölu neysluverðs sem verður birt 28. október 2019.
Innleiðingin felur í sér að vogir fyrir vaxtaflokka lánastofnana og eigin fjárframlag verða uppfærðar. Endurskoðun voga fyrir vaxtaflokka hefur sem slík ekki áhrif til verðbreytingar á vísitölu neysluverðs, heldur er notaður sami grunnur í verðsamanburði milli mánaða. Vogir eru endurskoðaðar til að endurspegla betur raunverulega samsetningu.