Vísitala neysluverðs miðuð við verðlag í janúar 2015 er 419,3 stig (maí 1988=100) og lækkaði um 0,71% frá fyrri mánuði. Vísitala neysluverðs án húsnæðis er 389,2 stig og lækkaði um 1,29% frá desember 2014.
Vetrarútsölur eru víða í gangi og lækkaði verð á fötum og skóm um 15,2% (áhrif á vísitöluna -0,72%) og verð á húsgögnum, heimilisbúnaði o.fl. lækkaði um 4,9% (-0,22%). Verð á bensíni og olíum lækkaði um 11,0% (-0,42%). Verð á mat og drykkjarvörum hækkaði um 2,6% (0,38%) en kostnaður vegna búsetu í eigin húsnæði (reiknuð leiga) hækkaði um 1,3% (0,19%).
Síðastliðna tólf mánuði hefur vísitala neysluverðs hækkað um 0,8% og vísitala án húsnæðis hefur lækkað um 0,6%. Undanfarna þrjá mánuði hefur vísitala neysluverðs lækkað um 0,9% sem jafngildir 3,6% verðhjöðnun á ári (6,5% verðhjöðnun fyrir vísitöluna án húsnæðis).
Í janúar 2015 tóku gildi breytingar á skattkerfinu. Almenn vörugjöld og sykurskattur voru felld niður og efra þrep virðisaukaskatts var lækkað úr 25,5% í 24,0% en lægra þrep virðisaukaskatts (matvæli o.fl.) hækkað úr 7% í 11%. Ekki er unnt að meta áhrif þessara breytinga á sköttum sérstaklega, en benda má á að vísitala neysluverðs á fastskattagrunni lækkaði um 1,12% frá fyrra mánuði. Þar er virðisaukaskatti, áfengis- og tóbaksgjaldi, olíugjaldi og orkusköttum á rafmagn og heitt vatn haldið föstum miðað við desember 2014. Verðbreytingar vegna afnáms vörugjalda og sykurskatts er ekki hægt að aðgreina frá öðrum verðbreytingum við útreikning vísitölu neysluverðs.
Vísitala neysluverðs samkvæmt útreikningi í janúar 2015, sem er 419,3 stig, gildir til verðtryggingar í mars 2015. Vísitala fyrir eldri fjárskuldbindingar, sem breytast eftir lánskjaravísitölu, er 8.279 stig fyrir mars 2015.
| Vísitala neysluverðs eftir eðli og uppruna 2015 | ||||
| Undirvísitölur mars 1997=100 | Breyting síðustu 12 mánuði | |||
| Áhrif á vísit. | ||||
| Desember | Janúar | % | ||
| Vísitala neysluverðs | 236,6 | 234,9 | 0,8 | 0,8 |
| Þar af: | ||||
| Innlendar vörur og grænmeti | 211,6 | 217,7 | 1,8 | 0,2 |
| Búvörur og grænmeti | 197,0 | 205,3 | 1,1 | 0,1 |
| Innlendar vörur án búvöru | 222,8 | 226,3 | 2,4 | 0,2 |
| Innfluttar vörur alls | 197,4 | 188,3 | -5,0 | -1,7 |
| Innfluttar vörur án áfengis og tóbaks | 188,2 | 178,7 | -5,6 | -1,7 |
| Dagvara | 208,5 | 213,3 | 0,8 | 0,1 |
| Breytingar vísitölu neysluverðs 2014–2015 | ||||||
| Maí 1988 = 100 | Umreiknað til árshækkunar miðað við hækkun vísitölunnar | |||||
| Breytingar í hverjum mánuði, % | ||||||
| Síðasta mánuð, % | Síðustu 3 mánuði, % | Síðustu 6 mánuði, % | Síðustu 12 mánuði, % | |||
| Vísitala | ||||||
| 2014 | ||||||
| Janúar | 415,9 | -0,7 | -8,3 | 0,7 | 1,7 | 3,1 |
| Febrúar | 418,7 | 0,7 | 8,4 | 1,9 | 2,4 | 2,1 |
| Mars | 419,7 | 0,2 | 2,9 | 0,8 | 2,2 | 2,2 |
| Apríl | 421,0 | 0,3 | 3,8 | 5,0 | 2,8 | 2,3 |
| Maí | 421,3 | 0,1 | 0,9 | 2,5 | 2,2 | 2,4 |
| Júní | 422,8 | 0,4 | 4,4 | 3,0 | 1,9 | 2,2 |
| Júlí | 422,1 | -0,2 | -2,0 | 1,0 | 3,0 | 2,4 |
| Ágúst | 423,1 | 0,2 | 2,9 | 1,7 | 2,1 | 2,2 |
| September | 422,6 | -0,1 | -1,4 | -0,2 | 1,4 | 1,8 |
| Október | 423,2 | 0,1 | 1,7 | 1,0 | 1,0 | 1,9 |
| Nóvember | 421,0 | -0,5 | -6,1 | -2,0 | -0,1 | 1,0 |
| Desember | 422,3 | 0,3 | 3,8 | -0,3 | -0,2 | 0,8 |
| 2015 | ||||||
| Janúar | 419,3 | -0,7 | -8,2 | -3,6 | -1,3 | 0,8 |