Atvinnuleysi 2,5%
Á fjórða ársfjórðungi 2004 voru að meðaltali 4.000 manns án vinnu og í atvinnuleit eða 2,5% vinnuaflsins. Atvinnuleysi mældist 2,1% hjá körlum en 2,9% hjá konum. Atvinnuleysið var mest meðal fólks á aldrinum 16-24 ára, eða 6,9%
     Á fjórða ársfjórðungi 2003 mældist atvinnuleysi 2,9%. Atvinnuleysi karla var þá 3,0% en 2,7% hjá konum. Atvinnuleysi meðal fólks á aldrinum 16-24 ára mældist 8,0%

Starfandi fólk 156.300 og atvinnuþátttaka 79,7%
Fjöldi starfandi á fjórða ársfjórðungi 2004 var 156.300 manns sem er fjölgun um 3.100 frá sama tíma ári áður. Á vinnumarkaði voru alls 160.300 manns sem jafngildir 79,7% atvinnuþátttöku. Atvinnuþátttaka karla var 84,3% en kvenna 75,2%. Til þeirra sem eru á vinnumarkaði teljast bæði þeir sem eru starfandi og atvinnulausir.
     Á fjórða ársfjórðungi 2003 mældist atvinnuþátttaka 80,0%, 83,7% hjá körlum og 76,2% hjá konum. Á milli ára fjölgar í vinnuaflinu um 2.600 manns, mest í aldurshópnum 55-74 ára.

Vinnutími 41,2 klst. á viku
Á fjórða ársfjórðungi 2004 var meðalfjöldi vinnustunda 41,2 klst. hjá þeim sem voru við vinnu í viðmiðunarvikunni, 46,7 klst. hjá körlum en 34,6 klst. hjá konum.
     Á fjórða ársfjórðungi 2003 var fjöldi vinnustunda 41,5 klst., 46,8 hjá körlum en 35,4 klst. hjá konum.

Framkvæmd
Fjórði ársfjórðungur 2004 nær til 13 vikna, frá 27. september 2004 til 2. janúar 2005.    Heildarúrtakið var 3.926 manns á aldrinum 16-74 ára sem valdir voru af handahófi úr þjóðskrá. Þegar frá eru taldir þeir, sem voru látnir eða búsettir erlendis, reyndist nettóúrtakið vera 3.827 einstaklingar. Alls fengust nothæf svör frá 3.114 einstaklingum sem jafngildir 81,4% endanlegri svörun. Allar tölur hafa verið vegnar eftir kyni og aldri. Skekkjumörk á niðurstöðum um atvinnuleysi eru ± 0,8%.
     Frá og með janúar 2003 hóf Hagstofan ársfjórðungslegar vinnumarkaðsrannsóknir. Rannsóknin er samfelld þannig að hverju ársfjórðungsúrtaki er skipt jafnt á 13 vikur. Á árunum 1991-2002 náði rannsóknin einungis til sinnar hvorrar vikunnar í apríl og nóvember ár hvert. Í tengslum við þessar breytingar fór fram umfangsmikil endurskoðun á spurningum, hugtökum og aðferðafræði. Endurskoðunin var gerð jafnt til að aðlaga rannsóknina að reglum Evrópska efnahagssvæðisins og til að svara kröfum um betri upplýsingar um íslenskan vinnumarkað. Af þessum breytingum leiðir að rannsóknarniðurstöður frá og með 2003 eru ekki fyllilega sambærilegar við fyrri niðurstöður. Hér á eftir er þó gerð grein fyrir helstu skilgreiningum og vigtunaraðferðum.