Alls voru um 225.100 einstaklingar starfandi á íslenskum vinnumarkaði í nóvember 2025 samkvæmt skrám. Starfandi einstaklingum fjölgaði um 1.400 á milli ára sem samsvarar 0,6% hækkun. Fjöldi starfandi kvenna í nóvember var um 105.100 og fjöldi starfandi karla um 120.000.
Athygli er vakin á því að um er að ræða bráðabirgðatölur þar sem mánaðarlegar uppfærslur á staðgreiðsluskrá ná jafnan nokkra mánuði aftur í tímann. Jafnframt eru aðferðir við framleiðslu hagtalna úr staðgreiðslugögnum í stöðugri endurskoðun og gæti bætt verklag haft minniháttar áhrif á niðurstöður.