Samkvæmt árstíðaleiðréttum tölum vinnumarkaðsrannsóknar Hagstofunnar voru atvinnulausir 8.500 í ágúst, eða 4,4%, sem er 1,3 prósentustigum hærra en í júlí. Árstíðaleiðrétt atvinnuþátttaka var 80,0%, sem er um 1,2 prósentustigum lægri en í júlí. Árstíðarleiðrétt hlutfall starfandi fólks var 76,9% í ágúst 2019 sem er með því lægsta sem mælst hefur síðasta hálfa árið.
Þegar horft er til síðustu sex mánaða, sýnir árstíðarleiðrétt leitni að tölur um atvinnuþátttöku lækkuðu um 1,4 prósentustig og hlutfall starfandi um 1,7 prósentustig, á meðan atvinnuleysi jókst um 0,3 prósentustig.
Samkvæmt óleiðréttum mælingum er áætlað að um 204.300 manns á aldrinum 16–74 ára hafi að jafnaði verið á vinnumarkaði í ágúst 2019. Það jafngildir 79,5% (±2,7) atvinnuþátttöku. Af vinnuaflinu reyndust 195.800 (±3.800) vera starfandi og 8.600 (±700) án vinnu og í atvinnuleit. Hlutfall starfandi af mannfjölda var 76,2% (±3,0) og hlutfall atvinnulausra af vinnuafli var 4,2% (±1,3).
Samanburður óleiðréttra mælinga fyrir ágúst 2018 og 2019 sýnir að vinnuaflið dróst saman um 2.400 manns og að hlutfall þess af mannfjölda dróst saman um tæp 3 prósentustig. Starfandi fólki fækkaði um 5.800 og hlutfall þess var rúmlega 4 prósentustigum lægra en það var á sama tíma árið 2018.
Samkvæmt óleiðréttum mælingum voru atvinnulausir í ágúst 2019 um 3.500 manns fleiri en á sama tíma árið 2018 þegar þeir voru 5.100. Þá sýna óleiðréttar mælingar töluverða hækkun á hlutfalli atvinnulausra milli ára, eða um 1,7 prósentustig. Einnig eru mun fleiri áætlaðir utan vinnumarkaðar í ágúst 2019, eða um 52.600, samanborið við 44.100 í ágúst árið á undan.
Allar fjöldatölur eru námundaðar að næsta hundraði.
Flæðirit — Vinnumarkaður 16–74 ára, ágúst 2019 – Óleiðrétt mæling
Samtala undirliða þarf ekki að koma heim við heildartölur vegna námundunar. Öryggisbil (95%), atvinnuleysi: Alls ±1,3; karlar ±1,4; konur ±2,4
| Tafla 1. Vinnumarkaður í ágúst — mæling | ||||||
| Öryggisbil | Öryggisbil | Öryggisbil | ||||
| 2017 | (±95%) | 2018 | (±95%) | 2019 | (±95%) | |
| Alls 16–74 ára | ||||||
| Atvinnuþátttaka | 82,8 | 2,2 | 82,4 | 2,3 | 79,5 | 2,7 |
| Hlutfall starfandi | 80,8 | 2,4 | 80,4 | 2,2 | 76,2 | 3,0 |
| Atvinnuleysi | 2,4 | 1,2 | 2,5 | 0,8 | 4,2 | 1,3 |
| Vinnustundir | 40,4 | 1,4 | 41,8 | 0,9 | 40,5 | 1,3 |
| Vinnuafl | 200.700 | 5.500 | 206.700 | 3.800 | 204.300 | 4.200 |
| Starfandi | 195.800 | 5.900 | 201.600 | 3.800 | 195.800 | 3.800 |
| Atvinnulausir | 4.800 | 2.500 | 5.100 | 500 | 8.600 | 700 |
| Utan vinnumarkaðar | 41.600 | 5.500 | 44.100 | 1.700 | 52.600 | 2.500 |
| Áætlaður mannfjöldi | 242.300 | • | 250.800 | • | 257.000 | • |
| Tafla 2. Vinnumarkaður síðustu 6 mánuði — árstíðaleiðrétting | ||||||
| mar.19 | apr.19 | maí.19 | jún.19 | júl.19 | ágú.19 | |
| Alls 16–74 ára | ||||||
| Atvinnuþátttaka | 82,6 | 82,0 | 80,5 | 81,4 | 81,2 | 80,0 |
| Hlutfall starfandi | 80,1 | 79,3 | 76,7 | 78,7 | 78,7 | 76,9 |
| Atvinnuleysi | 3,1 | 3,3 | 4,8 | 3,3 | 3,1 | 4,4 |
| Vinnustundir | 39,4 | 40,1 | 39,5 | 39,0 | 38,9 | 39,6 |
| Vinnuafl | 210.000 | 209.500 | 210.000 | 207.500 | 207.800 | 205.000 |
| Starfandi | 203.600 | 202.600 | 200.000 | 200.700 | 201.300 | 195.500 |
| Atvinnulausir | 6.500 | 6.900 | 10.000 | 6.800 | 6.500 | 8.500 |
| Utan vinnumarkaðar | 44.200 | 45.900 | 50.700 | 47.500 | 48.100 | 52.300 |
| Áætlaður mannfjöldi | 254.200 | 255.400 | 260.800 | 255.000 | 255.900 | 256.800 |
| Tafla 3. Vinnumarkaður síðustu 6 mánuði — árstíðaleiðrétt leitni | ||||||
| mar.19 | apr.19 | maí.19 | jún.19 | júl.19 | ágú.19 | |
| Alls 16–74 ára | ||||||
| Atvinnuþátttaka | 81,7 | 81,6 | 81,5 | 81,4 | 81,4 | 80,3 |
| Hlutfall starfandi | 79,0 | 78,9 | 78,8 | 78,7 | 78,6 | 77,3 |
| Atvinnuleysi | 3,2 | 3,3 | 3,4 | 3,4 | 3,4 | 3,5 |
| Vinnustundir | 39,5 | 39,5 | 39,4 | 39,3 | 39,2 | 39,9 |
| Vinnuafl | 208.400 | 208.500 | 208.300 | 208.100 | 208.000 | 207.600 |
| Starfandi | 201.600 | 201.500 | 201.200 | 201.000 | 200.900 | 198.900 |
| Atvinnulausir | 6.700 | 7.000 | 7.100 | 7.100 | 7.000 | 7.100 |
| Utan vinnumarkaðar | 46.700 | 46.900 | 47.200 | 47.400 | 47.600 | 49.800 |
| Áætlaður mannfjöldi | 255.100 | 255.400 | 255.500 | 255.500 | 255.600 | 256.800 |
Um gögnin
Vinnumarkaðsrannsóknin í ágúst 2019 nær til fimm vikna, frá 29. júlí til 30. ágúst 2019. Í úrtak völdust af handahófi 1.926 einstaklingar á aldrinum 16–74 ára sem höfðu lögheimili á Íslandi. Þegar frá eru taldir þeir sem voru látnir, eða reyndust búsettir erlendis, var nettóúrtakið 1.875 einstaklingar. Alls fengust nothæf svör frá 1.158 einstaklingum og jafngildir það 61,8% svarhlutfalli. Áætlaðar tölur fyrir fyrstu tvo mánuði nýjasta ársfjórðungs eru bráðabrigðatölur þar til ársfjórðungi lýkur.
Leiðrétting
Samfara þessari mánaðarbirtingu hafa heildartölur um fjölda við vinnu í viðmiðunarvikunni verið lagfærðar. Frá því í mars 2019 hefur árstíðarleiðrétt heildartala fjölda við vinnu í viðmiðunarviku verið röng og hefur það nú verið leiðrétt.