Samkvæmt vinnumarkaðsrannsókn Hagstofu Íslands voru að jafnaði 199.300 manns á aldrinum 16–74 ára á vinnumarkaði í febrúar 2017, sem jafngildir 82,8% atvinnuþátttöku. Af þeim voru 192.900 starfandi og 6.500 án vinnu og í atvinnuleit. Hlutfall starfandi af mannfjölda var 80,1% og hlutfall atvinnulausra af vinnuafli var 3,2%. Samanburður mælinga fyrir febrúar 2016 og 2017 sýnir að atvinnuþátttaka jókst um 0,7 prósentustig. Fjöldi starfandi jókst um 7.800 manns og hlutfall starfandi af mannfjölda um 0,5 stig. Atvinnulausum fækkaði um 600 manns en hlutfall þeirra af vinnuaflinu stendur nánast í stað.
Flæðirit — Vinnumarkaður 16–74 ára febrúar 2017
Samtala undirliða þarf ekki að koma heim við heildartölur vegna námundunar.
Árstíðaleiðrétt atvinnuleysi 3,1% í febrúar
Íslenskur vinnumarkaður sveiflast reglulega milli mánaða vegna árstíðabundinna þátta. Samkvæmt árstíðaleiðréttingu var fjöldi fólks á vinnumarkaði 200.300 í febrúar 2017 sem jafngildir 83,4% atvinnuþátttöku, sem er aukning um 0,7 prósentustig frá janúar 2017. Fjöldi atvinnulausra í febrúar var samkvæmt árstíðaleiðréttingunni 6.300 og hefur fækkað um 800 manns frá áætluðum fjölda atvinnulausra í janúar. Hlutfall atvinnulausra lækkaði því á milli janúar og febrúar 2017 um 0,4 stig, úr 3,5% í 3,1%. Leiðrétt hlutfall starfandi fólks í febrúar 2017 var 80,8%, sem er einu stigi hærra en í janúar. Þegar horft er til síðustu sex mánaða þá sýnir leitni vinnuaflstalna að atvinnuleysi hefur nánast staðið í stað, en á síðustu tólf mánuðum hefur það lækkað lítillega eða um 0,2 prósentustig. Hlutfall starfandi síðustu sex mánuði hefur einnig lækkað lítillega eða um 0,2 stig, en aftur á móti aukist um 0,6 stig þegar horft er til þróunar síðustu tólf mánaða.
Framkvæmd
Febrúar 2016 nær til fjögurra vikna, eða frá 30. janúar til 26. febrúar 2017. Úrtakið var 1.202 einstaklingar á aldrinum 16–74 ára sem valdir voru af handahófi úr þjóðskrá. Þegar frá eru taldir þeir sem voru látnir eða búsettir erlendis reyndist nettóúrtakið 1.162 einstaklingar. Alls fengust nothæf svör frá 816 einstaklingum sem jafngildir 70,2% af endanlegri svörun. Allar tölur hafa verið vegnar eftir kyni og aldri. Vikmörk mánaðarlegra niðurstaðna um atvinnuþátttöku eru ±2,5 stig, hlutfall starfandi ±2,7 stig og og atvinnuleysi ±1,4 stig. Allar fjöldatölur eru afrúnaðar að næsta hundraði. Áætlaðar tölur fyrir fyrstu tvo mánuði nýjasta ársfjórðungs eru bráðabirgðatölur þar til ársfjórðungi lýkur.
Tafla 1. Vinnumarkaður í febrúar - mæling | ||||||
Öryggisbil | Öryggisbil | Öryggisbil | ||||
2015 | (±95%) | 2016 | (±95%) | 2017 | (±95%) | |
Alls 16-74 ára | ||||||
Atvinnuþátttaka | 80,8 | 2,5 | 82,1 | 2,5 | 82,8 | 2,5 |
Hlutfall starfandi | 77,2 | 2,7 | 79,6 | 2,6 | 80,1 | 2,7 |
Atvinnuleysi | 4,5 | 1,5 | 3,1 | 1,4 | 3,2 | 1,4 |
Vinnustundir | 39,7 | 1,3 | 39,9 | 1,3 | 39,2 | 1,4 |
Vinnuafl | 186.900 | 5.700 | 190.900 | 5.800 | 199.300 | 6.100 |
Starfandi | 178.500 | 6.200 | 185.100 | 6.200 | 192.900 | 6.500 |
Atvinnulausir | 8.400 | 2.900 | 5.900 | 2.600 | 6.500 | 2.800 |
Utan vinnumarkaðar | 44.400 | 5.700 | 41.700 | 5.800 | 41.500 | 6.100 |
Áætlaður mannfjöldi | 231.300 | • | 232.600 | • | 240.800 | • |
Tafla 2. Vinnumarkaður síðustu 6 mánuðir — árstíðaleiðrétting | ||||||
sep.16 | okt.16 | nóv.16 | des.16 | jan.17 | feb.17 | |
Alls 16-74 ára | ||||||
Atvinnuþátttaka | 84,1 | 83,2 | 84,5 | 84,0 | 82,7 | 83,4 |
Hlutfall starfandi | 81,2 | 80,8 | 82,1 | 81,6 | 79,8 | 80,8 |
Atvinnuleysi | 3,4 | 2,9 | 2,8 | 2,8 | 3,5 | 3,1 |
Vinnustundir | 40,4 | 40,0 | 40,1 | 40,1 | 40,5 | 39,9 |
Vinnuafl | 198.900 | 197.800 | 200.000 | 199.000 | 199.800 | 200.300 |
Starfandi | 192.100 | 192.100 | 194.400 | 193.400 | 192.700 | 194.000 |
Atvinnulausir | 6.800 | 5.700 | 5.700 | 5.600 | 7.100 | 6.300 |
Utan vinnumarkaðar | 37.600 | 39.800 | 36.700 | 38.000 | 41.800 | 39.800 |
Áætlaður mannfjöldi | 236.400 | 237.600 | 236.800 | 237.000 | 241.500 | 240.100 |
Tafla 3. Vinnumarkaður síðustu 6 mánuðir — árstíðaleiðrétt leitni | ||||||
sep.16 | okt.16 | nóv.16 | des.16 | jan.17 | feb.17 | |
Alls 16-74 ára | ||||||
Atvinnuþátttaka | 83,7 | 83,7 | 83,6 | 83,5 | 83,4 | 83,4 |
Hlutfall starfandi | 81,2 | 81,2 | 81,1 | 81,0 | 80,9 | 80,9 |
Atvinnuleysi | 3,0 | 3,0 | 3,0 | 3,0 | 2,9 | 2,9 |
Vinnustundir | 40,1 | 40,1 | 40,1 | 40,1 | 40,1 | 40,1 |
Vinnuafl | 197.900 | 198.500 | 198.900 | 199.000 | 199.000 | 199.200 |
Starfandi | 191.900 | 192.500 | 193.000 | 193.100 | 193.100 | 193.400 |
Atvinnulausir | 6.000 | 6.000 | 5.900 | 5.900 | 5.900 | 5.800 |
Utan vinnumarkaðar | 38.500 | 38.600 | 38.900 | 39.400 | 39.700 | 39.700 |
Áætlaður mannfjöldi | 236.400 | 237.100 | 237.900 | 238.400 | 238.700 | 239.000 |