Áætlað er að 204.700 manns á aldrinum 16–74 ára hafi að jafnaði verið á vinnumarkaði í október 2018, samkvæmt vinnumarkaðsrannsókn Hagstofu Íslands, en það jafngildir 81,2% atvinnuþátttöku. Af þeim voru 198.700 starfandi (±6.300) og 6.000 án vinnu og í atvinnuleit (±2.600). Hlutfall starfandi af mannfjölda var 78,9% og hlutfall atvinnulausra af vinnuafli var 2,9%.

Flæðirit — Vinnumarkaður 16–74 ára, október 2018 Samtala undirliða þarf ekki að koma heim við heildartölur vegna námundunar. Öryggisbil (95%), atvinnuleysi: Alls ±1,3; karlar ±1,2; konur ±2,3.

Árstíðaleiðrétt atvinnuleysi var 3,1% í október 2018
Íslenskur vinnumarkaður sveiflast reglulega milli mánaða vegna árstíðabundinna þátta. Samkvæmt árstíðaleiðréttum tölum var fjöldi fólks á vinnumarkaði 206.800 í október 2018. Atvinnuþáttaka var 81,9% í október, sem er 0,3 prósentustigum meiri en í september. Samkvæmt árstíðaleiðréttingunni voru atvinnulausir 6.400 í október eða 3,1%, sem er aukning um 1,3 prósentustig síðan í september. Fyrir sama tímabil var leiðrétt hlutfall starfandi fólks 79,4%, sem er 0,8 prósentustigum lægra en það var í september. Þrátt fyrir nokkrar sveiflur í mælingum á vinnuafli þá stendur leitni vinnaflstalna síðustu mánaða og árs nánast í stað, eins og sjá má á myndum 2 og 3 hér að neðan. Hlutfall starfandi jókst um 0,2 prósentustig á síðastliðnum sex mánuðum og á sama tíma lækkaði atvinnuleysi um 0,2 prósentustig.

Mynd 1

Mynd 2

Mynd 3

Mynd 4

Um gögnin
Vinnumarkaðsrannsóknin í október 2018 nær til fjögurra vikna, frá 1. til og með 28. október. Í úrtak völdust af handahófi 1.555 einstaklingar á aldrinum 16–74 ára sem höfðu lögheimili á Íslandi. Þegar frá eru taldir þeir sem voru látnir eða reyndust búsettir erlendis var nettóúrtakið 1.521 einstaklingur. Alls fengust nothæf svör frá 985 einstaklingum og jafngildir það 64,8% svarhlutfalli.

Talnaefni

Nánari upplýsingar

Deila