• Hagtíðindi
• 14. nóvember 2022
• ISSN: 1670-4770


• Skoða PDF

Þessi útgáfa markar upphaf í birtingum manntals og húsnæðistals Hagstofu Íslands frá 1. janúar 2021. Manntalið er byggt að öllu leyti á skrám og gögnum úr stjórnsýslunni og úr gagnagrunnum Hagstofunnar. Þetta er í annað sinn sem Hagstofan framkvæmir manntal með þessum hætti. Hið fyrra var manntalið 31. desember 2011. Manntölin eru framvæmd í samstarfi innan evrópskrar hagskýrslugerðar á grundvelli reglugerða sem teknar hafa verið inn í samninginn um Evrópska efnahagssvæðið. Manntöl veita mikilvægar upplýsingar um mannfjöldann, heimilisaðstæður, húsnæði, atvinnu og menntunarstig sem ekki fást með öðrum hætti. Hagstofan safnar miklum upplýsingum frá stjórnvöldum, stofnunum og sveitarfélögum. Manntalið 2021 er aðferð til þess að stemma saman þessi gögn og fá þannig nýja heildarsýn á stöðu landsmanna og heimila þeirra.