Gagnasöfnun – Spyrlar

Hagstofa Íslands óskar eftir að ráða spyrla til starfa í tímabundin verkefni í símaveri Hagstofunnar í Reykjavík. Um er að ræða tímavinnu á vöktum og áætlað er að verkefnum ljúki í maí 2024.

Starfið felst í að hafa samband símleiðis við þátttakendur í rannsóknum og safna gögnum með viðtölum.

Hæfniskröfur:

• Eiga auðvelt með samskipti við fólk í gegnum síma og hafa ánægju af þeim.
• Kurteisi, þolinmæði, nákvæmni og ábyrg vinnubrögð.
• Góð almenn tölvukunnátta.
• Gott vald á íslensku og ensku. Fleiri tungumál kostur.
• Reynsla af sambærilegu starfi kostur.
• Hafa náð 18 ára aldri.

Laun samkvæmt gildandi kjarasamningi sem fjármála- og efnahagsráðherra og Félag starfsmanna stjórnarráðsins hafa gert.

Spyrlar vinna tvær til fjórar vaktir í viku eftir föstu vaktskipulagi. Hver vakt er 4 tímar en mismunandi vinnutími í boði eftir samkomulagi. Um er að ræða dagvaktir, kvöldvaktir og helgarvaktir. Starfshlutfall er 30%.

Mikilvægt er að umsækjendur hafi möguleika á að taka þátt í þjálfun sem áætlað er að fari fram dagana 22-25. janúar 2024.

Við hvetjum alla áhugasama til að sækja um. Tekið er mið af jafnréttisstefnu Hagstofu Íslands við ráðningar í störf. Öllum umsóknum verður svarað.

Umsóknarfrestur er til og með 12. janúar 2024.