Gagnasöfnun – Spyrlar

Hagstofa Íslands óskar eftir að ráða spyrla til starfa í tímabundin verkefni. Um er að ræða rannsóknir sem hefjast í lok janúar 2018.

Starfið felst í að hafa samband símleiðis við þátttakendur í rannsóknum og safna gögnum með viðtölum.

Ef þú:

  • átt auðvelt með samskipti við fólk í gegnum síma og hefur ánægju af þeim,
  • ert kurteis, þolinmóður, nákvæmur og ábyrgur einstaklingur,
  • býrð að góðri almennri tölvukunnáttu,
  • hefur gott vald á íslensku, ensku og jafnvel fleiri tungumálum,
  • ert að minnsta kosti orðin/n 18 ára
  • og hefur jafnvel reynslu af spyrla- eða úthringistörfum

máttu gjarnan senda okkur upplýsingar um bakgrunn og reynslu þína sem fyrst á spyrlastarf@hagstofa.is.

Spyrlar vinna 2 til 4 daga í viku eftir föstu vaktskipulagi. Vinnutími er frá 17 til 22 mánudaga til fimmtudaga og frá 12 til 18 um helgar. Greidd eru yfirvinnulaun, alls 2.927 kr. á tímann auk orlofs.

Nánari upplýsingar veitir Guðríður Helga Þorsteinsdóttir í síma 528 1223.