Vísitala neysluverðs, miðuð við verðlag í júní 2020, er 482,2 stig (maí 1988=100) og hækkar um 0,44% frá fyrri mánuði. Vísitala neysluverðs án húsnæðis er 412,7 stig og hækkar um 0,51% frá maí 2020.

Verð á mat og drykkjavörum hækkaði um 1,0% (áhrif á vísitöluna 0,15%). Reiknuð húsaleiga hækkaði um 0,4% (0,06%).

Síðastliðna tólf mánuði hefur vísitala neysluverðs hækkað um 2,6% og vísitala neysluverðs án húsnæðis um 2,7%.

Vísitala neysluverðs samkvæmt útreikningi í júní 2020, sem er 482,2 stig, gildir til verðtryggingar í ágúst 2020. Vísitala fyrir eldri fjárskuldbindingar, sem breytast eftir lánskjaravísitölu, er 9.521 stig fyrir ágúst 2020.

Breytingar á vísitölu neysluverðs 2019-2020
Maí 1988 = 100 Umreiknað til árshækkunar miðað við hækkun vísitölunnar
Vísitala Breytingar í
hverjum mánuði, %
Síðasta mánuð, % Síðustu 3 mánuði, % Síðustu 6 mánuði, % Síðustu12 mánuði, %
2019
Júní469,80,44,73,92,63,3
Júlí468,8-0,2-2,51,63,03,1
Ágúst470,10,33,41,83,13,2
September470,50,11,00,62,23,0
Október472,20,44,42,92,22,8
Nóvember472,80,11,52,32,12,7
Desember473,30,11,32,41,52,0
2020
Janúar469,8-0,7-8,5-2,00,41,7
Febrúar474,10,911,61,11,72,4
Mars475,20,22,81,62,02,1
Apríl477,50,56,06,72,32,2
Maí480,10,56,75,23,12,6
Júní482,20,45,46,03,82,6

Mæling vísitölu neysluverðs í ljósi aðstæðna vegna Covid-19
Mæling og útreikningur á vísitölu neysluverðs í júní gekk eðlilega fyrir sig að undanskildu því sem tengist samgöngum til og frá landinu.

Fjallað var ítarlega um þær áskoranir sem urðu við verðmælingar vísitölu neysluverðs vegna Covid-19 í frétt um vísitölu neysluverðs í apríl 2020. Hagstofa Íslands minnir einnig á upplýsingavefinn „Spurt og svarað um vísitölu neysluverðs“.

Það er mat Hagstofu Íslands að nú í júní hafi um 3% af grunni vísitölu neysluverðs verið metinn þar sem þjónustu var aflýst vegna Covid-19.

Talnaefni